Әл-Фараби атындағы ҚазҰУ-нің Журналистика факультетінде “France24” арнасының тележүргізушісі,  Антуан Кормеридің дәрісі болып өтті. Антуан  Кормери телерепортаж  жүргізудің шебері, өзіндік стилі қалыптасқан сарапшы болып табылады.

Антуан  Кормери телерепортаж  жүргізудің шебері, өзіндік стилі қалыптасқан сарапшы болып табылады.

ҚазҰУ-ғы дәрісінде журналист материал дайындаудағы командалық үдерістің маңызды сәттеріне айта отырып, тележурналистиканың хабар дайындаудағы өзіндік  ерекшеліктеріне баяндай отырып, репортаж дайындаудағы кейбір қызықты  сәттерге мысалдар келтіріп, журналист  әдістеріндегі шеберліктерді айтты. Сондай-ақ, сарапшы ақпарат беруде  түрлі көзқарас таныту тәсілдеріне тоқталды.

Дәріс негізінде студенттер мен оқытушылар тележурналистпен кері байланысқа түсу мүмкіндігіне ие болды. Антуан  залда туындаған қызықты сұрақтарға жауап беріп, француз БАҚ-тарындағы  ақпарат беру әдісін түсіндірді.

Антуан Кормери  Sciences Po-ға  (Саяси зерттеу институты) қарасты журналистика академиясында сабақ береді. Ол бірнеше халықаралық БАҚ-да  (« Мали», «Тунис», « NESSMA ТВ», «2M Марокко» , «Кот-д’Ивуар» ұлттық телеарналары, «Алжир», «Ливан», «RTBF» ұлттық радиолары) оқу-білім курсын оқытады.