ҚазҰУ әлемдік QS рейтингісі бойынша 275 орынннан 236-орынға көтерілді. Бұл ұжымдық жеңіс болғандықтан ҚазҰУ әкімшілігі барша студенттер мен қызметкерлерге мерекелік көңіл-күй мен сондай жарасымды бір кеш сыйлады.
Мерекелік кеш жақында ғана бой көтерген студенттер мен түлектердің «Мәңгілік ел» қақпасының алдында өтті. Студенттер өздері оқитын оқу ордасын жақсы көрсеткіштерімен құттықтап, «ТРИУМФ» сөзі бейнеленген флешмоб ұйымдастырды. Іс-шарада бірінші проректор Мұхамбетқали Мырзабайұлы сөз алып, жастарды және де барша қазұулықтарды айтулы жеңіспен құттықтады.
Жүйелі қайта құруды ойдағыдай жүзеге асырған ҚазҰУ әлемдік университет рейтингінде жыл өткен сайын жоғары орынға көтеріліп келеді. Әйгілі QS (Ұлыбритания) халықаралық рейтинг агенттігінің 2016 жылы жариялаған зерттеу қорытындысына сәйкес, әл-Фараби атындағы Қазақ Ұлттық университеті әлемдегі үздік 800 университет арасында 236-орынды иемденіп, ең үздік 250 университет қатарына қосылды.
