Журналистика факультетінде тағы бір жеңіс! Оқу жылының соңында жасалған қорытындылар факультет абыройын тағы бір асқақтатты. Университетімізде жұмыс істейтін іргелі студенттік ұйымдардың бірі «Студенттер Сенаты» жастар қозғалысының дамуына үлкен үлес қосқан факультет мақтаныштары Әуелтай Санатты «Супер сенатор», ал Маратұлы Алмасты «Ең үздік төраға» номинациясында марапаттады. Жыл бойы үздік жобалар ұйымдастырып, мерекелік шараларды өткізуден ерекше көзге түскен факультетіміз университет көлемінде 2-орынға табан тіреді. Былтырғы жылы «Ең үздік факультет» атанғанымыз есімізде. Биыл да сол қарқынды жоғалтпаған факультет ұжымы мен белсенді студенттер алдағы уақытта талай белесті бағындыруға бар жігерімізді саламыз деп отыр.