Әл-Фараби атындағы ҚазҰУ-дың Ректорат мәжілісінде шәкіртақылар табыстау жағымды дәстүрге айналған. Оқу жылы басталғаннан бері университетте 11 млн. теңгені құрайтын атаулы 158 шәкіртақы тағайындалды.
Сол дәстүрді жалғастыру ниетімен қылмыстық құқық және қылмыстық іс жүргізу, криминалистика кафедрасының меңгерушісі Р.Е. Жансараева 17 студентке 100 мың теңге көлеміндегі шәкіртақыларды табыстады.
Қазақ журналистикасы дамуына үлес қосқан көрнекті ғалым, филология ғылымдарының докторы, профессор Темірбек Қожакеұлы Қожакеев атындағы жалпы көлемі 375 мың теңге шәкіртақы берілді. Шәкіртақыларды ЖШС «Люкс Биндер Сервис» баспаханасының директоры Медет Қожакеев тағайындады. «Ең үздік ғылыми жұмыс» номинациясы бойынша 100 мың теңге көлеміндегі шәкіртақы иегері Мақұлбекова Сәуле, «Ең үздік тележоба» аталымы бойынша 75 мың теңге Әбілқасым Іңкәр, «Ең үздік сатира» және «Ең үздік мультимедиялық жоба» аталымы бойынша 100 мың теңге көлеміндегі шәкіртақы Ахметов Мади, «Ең үздік публицистикалық шығарма» және «Ең үздік радиобағдарлама»аталымы бойынша 100 мың теңге көлеміндегі шәкіртақы Омаржан Жадыраға берілді. Баспасөз және электронды БАҚ кафедрасының меңгерушісі Г.С. Сұлтанбаева өзінің жеке грантының есебінен әрқайсысына 100 мың теңге көлеміндегі шәкіртақыларды 1-курс студенттері Берікбол Төлегенге және Аққайыр Жадыраға тағайындады.
Механика-математика факультетінің атынан 75 мың теңге көлеміндегі тағайындалған 19 шәкіртақыны факультет деканы А.Б. Қыдырбекұлы студенттерге табыстады.
механика-математика факультеті
Қазақстан тарихы кафедрасының меңгерушісі Т.О. Омарбеков 50 мың теңге көлеміндегі атаулы шәкіртақыларды «тарих» мамандығының оқуда озат, қоғамдық жұмыста белсенді студенттеріге табыстады.
тарих, археология және этнология факультеті
Қазақ әдебиетінің теориясы және тарихы кафедрасының меңгерушісі А.Б. ТЕМІРБОЛАТ 50 мың теңге көлеміндегі Филология ғылымдарының докторы, профессор Зәки Ахметұлы Ахметов атындағы шәкіртақыны «қазақ тілі мен әдебиеті» мамандығының 2-курс студенті Қордабай Бақытқа табыстады.
Келесі шәкіртақыларды менеджмент және маркетинг кафедрасының меңгерушісі Қ.С. Мұхтарова табыстады.
Биотехнология кафедра меңгерушісі Б.Қ. Заядан оқудағы игі жетістіктері және ғылыми жұмыстағы белсенділігі үшін келесі студенттерге атаулы шәкіртақылар табыстады. Академик Мая Хажетдинқызы Шигаева атындағы әрқайсысына 50 мың теңге көлеміндегі шәкіртақылар «биотехнология» мамандығының 4-курс студенттері Ибрагимова Сандуғашқа, Демеубаева Гаухарға, Давенова Нұргүлге, Жамекова Айнашқа және Абдулина Арайлымға табысталса, академик Ізбасар Рақымбайұлы Рақымбаев атындағы әрқайсысына 50 мың теңге көлеміндегі шәкіртақылар «биотехнология» мамандығының 4-курс студенті Әлиева Тоғжанға және 3-курс студенті Рақыш Құралайға берілді. Профессор Леонид Кириллович Мамонов атындағы 50 мың теңге көлеміндегі шәкіртақы «биотехнология» мамандығының 1-курс магистранты Үгіт Ляззатқа, биохимик, доцент, еңбек ері, өскелең ұрпақты тәрбиелеуге және білім беруге елеулі үлес қосқан қайраткер Бибінұр Төлегенқызы Төлегенова атындағы 50 мың теңге көлеміндегі шәкіртақылар «биотехнология» мамандығының 2-курс магистранты Пахратдинова Жазираға табысталды. Биоалуантүрлілік және биоресурстар кафедрасының меңгерушісі Ә.Т. Қанаев биоалуантүрлілік және биоресурстар кафедрасының зоологтары атынан биология ғылымдарының докторы, профессор, ҚазССР еңбек сіңірген қайраткер Валерий Петрович Митрофанов атындағы әрқайсысына 50 мың теңге көлеміндегі шәкіртақылар «балық шаруашылығы және өндірістік балық аулау» мамандығының 3-курс студенттері Адырбекова Камиллаға, Алтаева Фаризатқа, Молсадыққызы Мадинаға табысталды.
http://www.kaznu.kz/
